SULATANUL HIND HAZRAT KHWAJA MOINUDDIN CHISTY (رضي الله عنه)

11969626443_86d85a99d4_b

(Part -1)
SULATANUL HIND HAZRAT KHWAJA MOINUDDIN CHISTY (رضي الله عنه) 🌹🙏

Hazrat Khwaja Moinuddin Chisti Rahmatullahi Alihi 14 Rajab 536 Hijri ko Junubi Iraan ke ilaqe Sia-Istan ke ek Doulat Mand Gharane mein Paida hue-, Aap Rahmatullahi Alihi Nasali Aiterbar Se Sahi-ul-Nasab they-, Aap ka Shijrah-Aalia Barah(12) Waston Se Ameerul Momineen Hazrat Ali karimallah wajhu se ja milta hai-, Aap ke Walid E Grami Khwaja Gayasuddin Hussain Rahmatullahi Alihi bohot Doulatmand Tajir aor Ba-Asrar Shaksiat the-, Halan ke kasrtat Maal Doulat ko Quran e Hakeem me sab se bada Fitna Qaraar diya gaya hai-, Magar Khwaja Gayas Hussaini Rahmatullahi Alihi Sahebe Jayedat hone ke Sath, Sath ek Abid wa Zahid Shaqs the-, Doulat ki Kasrat ke bawajud Hazrat Khwaja Moinuddin Chisti Rahmatullahi Alihi Bachpan se he Qina’at Pasand the-.

Jiss Zamane me Aap ki Wiladat hue wo Bada Per-Ashoob dour tha (Fitno ka Dour) -, Siyaistan aor Qarasaan Sheher Loot Maar Dange Fasaad ke Zadd mein they-, Har Taraf Afra-tafri ka Aalam tha-, Sar’sabz wa Shadab ilakhon me Aag Badh rahi thi, aor Khoobsurat Sheher Khandero me Tabdeel horahe they-, Millate Islamia me kai Firqeh Paida Hochuke the, jo Badi Berehmi se ek dusre ka Khhoon Baha Rahe the-, ‘Milahida’ aor ‘Baatyu’ ki Jamaton ne Poore mulk me Qatl wo Gaarat ka bazaar Garm ker rakha tha-.

Yahi wo khoon rang aor Zehri Alood fiza thi jis ne Kwaja Gayasuddin Rahmatullahi Alihi ko tark E Watan per Majboor Kardiya-, Aap Ahle khana ko le ker Qirasaan chale aye-, Iss waqt Hazrat Khwaja Moinuddin Chisti Rahmatullahi Alihi Ki Umer muabarak Ek baras ki thi-, Kwaja Gayasuddin Hussain Rahmatullahi Alihi ka Qayal tha ke inhe Aarzi Qirasan me koi na koi Goshaye Afiyat zarur Milajayegi-, Mager Gardish Ayyam ke yaha bhi wahi Aalam the-, Jahan Guzarte waha bhi Fitne Ser Utha rahe they-. 549 Hijri me khuni Sailab Saron se guzar gaya-, is Waqt Hazrat Khwaja Moinuddin Chisti Rahmatullahi Alihi ki Umar 13 saal thi-. ‘Taows’ aor ‘Nishapur’ ke Shehron me Zalimon ne aisa Zulm kiya aor is Khader Khoon bahaya ke waha ek bhi insan Zinda na bacha-, Har taraf Laashon ke Anbaar lage hue the-, Nishapur ke Mazlumon aor Jame Shahadat Noush kerne walon me Sipahi aor Awaam he me Shamil na they-, bade bade Ulama E Faazila, Aoulia, Abrar, Taqiyan bhi Shamil they-, Nishapur jo indino Ilm wa fazal ka gohar tha-, isey bhi khaak me miladiya gaya Laibrario, Ders’gahon ko Aag lagadi gai-,

Inhi Per-Ashoob halaat aor afaton se ladte jhagadte Hazrat Khwaja Moinuddin Chisti Rahmatullahi Alihi Ne Parwarish Payi-, Aor Apne Ankhon se Musalman ke khoon ke Dariya Behte hue dekhe-, Kabhi Kabhi Aap Nihayat Raqth Amraiz lehje me Apne Walid Khwaja Gayasuddin Hussin Rahmatullahi Alihi se sawal kerte-, “ Baba! Khoon Muslim ki ye lehar kabtak Jari rahe gi-“,

Nou Umr Farzand ka Sawal Sun ker Walidegrami Roney lagte aor farmate “Bete ! Ye Khooni Hawaye Ahle Imaan ke liye Aazmaish hai, tumhe sabr se kaam lete hue achey waqt ka intezar karna chahiye-“.

Phir Ek din Sabar ki talqeen dene wala baap bhi 551 Hijri ko duniya se ruqsat hogaye-, Iss waqt Aap Rahmatullahi Alihi ki umar 15 saal thi-, Aap Rahmatullahi Alihi iss Nazuk aor Darindagi se labraiz dour me ek Shafaqat aor Meharban Baap ke Saye Afiyat se Mehroom Ho Chuke they-, Walidegrami ki Rihalat Per Aap her Waqt Udaas rehne lage-, Aaise Lamhat me Aap ke Walida Majida Hazrat Bibi Noor Rahmatullahi Anhuma ne badi Istiqamat ka Saboot Diya Aor Bade Hosle ke Saat Bete ko Samjhaya-.

“Farzand! Zindagi ke Safar me her Musafir ko tanhai ke Aziyaton Se Guzarna Padhta hai-, Agar tum Abhi Se Apni taklifon ka Maatam Kerne baith gaye toh Zindagi ke Dushwar Guzar Raaste Kaise tai Karogey-“. Uttho aor apni puri tawannai se apni zindagi ka safar shuru karo-, Abhi tumhari manzil bohat door hai-, Ye Walid se Mohabbat ka Saboot Nahi ke tum Din, Raat unki yaad me Aansu bahate raho…..

Ye Walid se Mohabbat ka Saboot Nahi ke tum Din Raat unki yaad me Aansu bahate raho-, Tumhare Walid ka ek hi Khwab tha ke inka Beta Aalim wa Fazil me kamaal hasil karey-, Chunache tumhe Apne Tamaam’tar salahiyate Talim ke husool ke liye hi Surf Kerdeni chahiye-“,

Mather E grami ki tasalli se Hazrat Khwaja Moinuddin Chisti Rahmatullahi Alihi ki tabiyat sambhal gayi aor Aap Zyada Shoukh aor Zaoukh Se Ilm hasil kerne lage-, Magar Sukun wa Rahat ki ye Mohlat bhi Zyada Taweel na thi Mushkil Se Ek Saal he Guzra hua hoga ke Aap ki walida bhi Qalikh-E-Haqeeqat Se Jaa mili-, Ab Hazrat Khwaja Moinuddin Chisti Rahmatullahi Alihi is Duniya me Akele aor Tanha rah gaye-.

Walidegrami ki Wafat per Ek Bagh aor Ek Aata Peesne wali Chakki Aap Rahmatullahi Alihi ko Wirse me mili thi-, Walidain ki judai ke baad Baghbani ka Peisha Aapne ikhtiyar kiya-, Yaha tak ke mandi me jaker Khudh Phal bhi Faroaqt kerte-, Aap Rahmatullahi Alihi Karobar me is Khader Masruf Hogaye ke Aap ka Talimi Silsila ruksa gaya-, Aap Rahmatullahi Alihi ko is Ka Bada Afsoas tha-, lekin ye ek Aisi Fitrati Majboori thi ke jiss ka Bazahir koi Ilaj Mumkin na tha-, Aap Rahmatullahi Alihi Aksar Awqaat Apni is Mehroomi Per Gour Kerte jub koi Hull Nazar na Aata toh Shadeed mayusi ke Aalam me Aasman ki taraf Dekhte aur Roney lagte-, Ye Khudah ke Huzoor Bandey ki Ek Khamosh iltija thi-.
.

Ek din Hazrat Khwaja Moiunuddin Chisti Rahmatullahi Alihi Apne Baagh me Daraqton ko Pani de rahe the-, Ke Udhar se Mashur Buzurg Hazrat Ibrahim Qandozi Rahmatullahi Alihi ka guzar hua-, Aap Rahmatullahi Alihi ne Buzurg ko Dekha toh Doudhte hue gaye aor Hazrat Ibrahim Qandozi Rahmatullahi Alihi ke Haton ko Bosa diya-, Hazrat Ibrahim Qandozi Rahmatullahi Alihi Ek Noujawan ke is Khush Akhidat Se Behat Mutasir hue-, Inhone Kamal Shafaqat se Aap Rahmatullahi Alihi ke Sarr Per Hath Phera Aor Chand Dua e Kalimat Keh Ker Agey jane lagey toh Aap Rahmatullahi Alihi ne Hazrat Ibrahim Qandozi Rahmatullahi Alihi ka Daman tham liya-.

Hazrat Ibrahim Qandozi Rahmatullahi Alihi Mohabbat bhare lehje me Pucha, “Aye Noujawan Aap Kya Chahte Hai?”,

Hazrat Ibrahim Qandozi Rahmatullahi Alihi Mohabbat bhare lehje me Pucha, “Aye Noujawan Aap Kya Chahte Hai?”,

Hazrat Khwaja Moiunuddin Chisti Rahmatullahi Alihi ne arz ki ke Aap Chand lamhe Mere Bagh Mein Qayam Farmale-, Kon janta hai ke ye Saadat Mujhe Dubara Naseeb Hoti Hai Ke Nahi-, Aap Rahmatullahi Alihi ka lehja iss Khadar Aqidat Mandana tha ke Hazrat Ibrahim Rahmatullahi Alihi se inkar na Hosaka-, Aor aap Bagh mein Baith gaye-, Phir Chand lamho baad Angooron se bhare hue doa tabaqh liye Aap Rahmatullahi Alihi Hazrat Ibrahim Rahmatullahi Alihi ke Saamne Rakhdiye Aor Dast Bast Khadey hogaye-,

Iss Nou umri me Sadat Mandi aor Akhidat Mandi ka be Misaal Muzahira Dekh ker Hazrat Ibrahim Rahmatullahi Alihi Hairan the-, Inhone Chand Angoor Utha ker Khaliye-, Hazrat Ibrahim Rahmatullahi Alihi ke iss amal se Aap Rahmatullahi Alihi ke Chehre Per Khushi ka Rang Ubhar Aaya-, Ye Dekh Ker Hazrat Ibrahim Qandozi Rahmatullahi Alihi ne Farmaya-, Moinuddin Bith jawo-.

Aap Rahmatullahi Alihi Doa Zaan Hoker Bithgaye-, Aap Rahmatullahi Alihi Ne Kaha “Farzand ! tumne ek faqeer ki Khhoob Mehmaan Nawazi ki hai-, Yeh Ser Sabz Shadab Deraqt ye laziz Phal ye Malkiyat aor Jaidaad Sab Kuch Fanah Hojaney Wala hai-, Aaj ager yahan Bahaar ka Dour hai toa kal yahan Khizah bhi aye gi-, Yahi gardish roz shab hai aor yahi Nizam e Khudrat bhi-, Tera ye Bagh Waqt Ki Tez Andhiyo me Ujadh Jayega-, Phir Allah ta’ala tujhe ek aor Bagh Ataa Farmayega-, Jiss ke Deraqt Khayamat tak Garm Hawawo se Mehfuz Rahingey-, In Daraqton ke lage Phalo ka Zaiqah jo ek baar chakle ga phir wo duniya ki kisi Naimat ke taraf nazar Uthaker kabhi nahi dekhega-, Hazrat Ibrahim Qandozi (r.a) ne apne Pairahan (Jholi ) me Haath Daal ker Ek Roti ka Khushk (sukha) tukda Nikal ker Hazrat Khwaja Moinuddin Chisti Rahmatullahi Alihi ki taraf Badha diya Aur Farmaya Wo teri Mehman Nawazi thi Yeh Faqeer ki Dawat Hai-.

Ye Kehkar Khushk Roti ka wo tukda Hazrat Khwaja Moinuddin Chisti Rahmatullahi Alihi ke Mooh me Daaldiya-, Phir Baagh se Nikal ker Apni Manzil ki Janib Tezi se Chaldiye-.

Hazrat Ibrahim Qandozi Rahmatullahi Alihi Ki Dee Hue Roti Ka Tukda is Khadar Saqt Aur Khushk tha ke is ka Chabna Dushwar tha-, Mager Aap Rahmatullahi Alihi ne ek Buzurg Ka tohfa Samajh Ker wo Roti ka tukda Khaliya-, Is tukde ka Halaq se Niche Utarna tha ke Hazrat Khwaja Moinuddin Chisti Rahmatullahi Alihi ki Duniya Badal gai-, Aap ko Aisa Mehsus Hone laga Jaise Kainaat ki her Shai fuzool hai-.

Dusrey he Din Aap Hazrat Khwaja Moinuddin Chisti Rahmatullahi Alihi ne Apni Chakki aur Baagh Faroaqt Kerdiya aur Hasil Hone Wali Raqam Garibon aor Mohtajo me Baant di-, Azeez wa Aqraab Aap Rahmatullahi Alihi ki iss Herkat Ko Dimaghi Khalal Bhi Kharar dey Rahethe-, Lekin Wo Ye Samajh ne Se Khasir the Ke Zahen Wa Dil ke kisi Goshey Se Roashni ki wo Lakkirey Phooth Rahi Hai Jiss ne Duniya ke tamam Ujalo ko Dhundla (phika) ker ke rakh diya hai-.

Baad Azal Aap Rahmatullahi Alihi Sab Kuch Allah ki Raah me lutane ke baad Tahassul E ilm keliye Qarasan ko Khairabad kiya jo iss waqt Uloom wa fanon ke Ahem Markez Tasawur kiye jate they-, Yahan Pahle Aap Rahmatullahi Alihi ne Quran Paak Hifz Kiya-, Phir Tafseer, Fiqha, Hadees Aor Dusre Uloom Zahiri me Maharat Hasil Ki-.

Uloom Zahiri ki takmil ke baad Aap Rahmatullahi Alihi ne Murshid Kamil ki Talash mein Shehar Iraq Ka Ruqh Kiya-, Raste mein Apne Zamane ke Mashoor Buzurg Hazrat Khwaja Usman Haroorni Rahmatullahi Alihi Sukunat Pazair they-, Hazrat Khwaja Rahmatullahi Alihi Kuch Din tak ek Aam talib e ilm ki Haisiyat Se Hazrat Khwaja Usman Haroorni Rahmatullahi Alihi ki Khidmat me Hazir Hotey rahey-, Mager Shaikh Sahab ne Koi tawajjoh Nahi di-, Pahle Khadr Aap Mayus huye, Baad Azal Ek Moukha Paker Aapne Dil ki Baat Shaikh Sahab Se Keh Dali Ke Meri Dilee tamanna hai ke Aap Mujhe Mustaqil Ghulami Ka Sharf Bakhsey-, Iss per Hazrat Khwaja Usman Haroorni Rahmatullahi Alihi ne farmaya, “Farzand! Mujhse Apna hi Bojh Nahi Uthaya jaata-, Tumhara kaise Utha’unga-, Derasal Shaikh Sahab Aapko Taalna Chahte the-, Lekin Aap Musassil Israaf Farmate Rahey-.

Iske baad Murshid ne Hazrat Khwaja Rahmatullahi Alihi ko Mubarak Baad Dete Huye Farmaya, “Moinuddin ! Tum Khush Naseeb hoa, Ke Tumhe donoh Muqamaat Per Se Khubuliyat Ki Sanad Ataa Huyi-, Aainda Buth khana e Hind Tumhari Ser’garmion Ka Markez Hoga-, Ager chey wahan Kufr Ki Gehrayi Tariki Phaili hue hai, Lekin tumhe Wahan Ki Taaj-E-Sulatani Ataa huyi hai, Woh Hidustan Ke Tamam Badesha Wo Per Galib Aker Rahega-.

Phir Murshid ki Ijazat se Aap Rahmatullahi Alihi Tanha Hijaze Muqaddas Pohonche- Hajj ki Sa’adat Hasil Ki, Roaza ye Rasool Sallellahu Alihi Wasallam Per Haziri dene Ke Saath Saath Kai Mumalikaat ka Safar Iqtiyar Kiya-.

Safar e Baghdad ke Douran Aap Ki Mulaqat Shaikh Najumuddin Kibriya Rahmatullahi Alihi Se Huyi, Aouliya Ekram Mein Hazrat Shaikh Najumuddin Rahmatullahi Alihi ka Mukham Bohat Buland Hai-, Hazrat Khwaja Moinuddin Chisti Rahmatullahi Alihi Dhaai Mahiney tak Hazrat Shaikh Najumuddin Kibriai Rahmatullahi Alihi Ke Yahan Khayam Pazair Rahey-, Aur Ek Azeem Sufi ki Mohabbaton Se Faiziayb huye-.

Iske baad Hazrat Khwaja Moinuddin Chisti Rahmatullahi Alihi Baghdad mein Hazrat Shaikh Abdul Qadir Jilani Raziallahu Anha Ki Khidamat mein Hazir Huve-, Kuch Arse Yahan Khiyam kiya-, Phir Aap Tabrez Shareef Chalegaye aor waha Hazrat Khwaja Abu Sayeed Tabrezi Rahmatullahi Alihi Se Faiz Hasil Kiya-, Hazrat Tabrezi Rahmatullahi Alihi Ko Tasawuff ki Duniya mein Bepanah Shoharat Hasil Hai-, Chand Din Yahan Guzaarne Ke Baad Aap Rahmatullahi Alihi Isphan tashreef legaye-, Wahan Mashoor buzurg Hazrat Shaikh Mehmood Asfahani Rahmatullahi Alihi Ki Mohabbat se Faiziayab huye-.

Inhi dino Wahan Ek Noujawan Ladke ko Dekha jo Dervaish’on se Nihayat Aqidat Rakhta tha, Hazrat Khwaja Moinuddin Chisti Rahmatullahi Alihi ki Amad Se Pehle wo ladka Hazrat Shaikh Mehmood Asfahani Rahmatullahi Alihi ki Zaat Se Behat Mutasir tha-, Mager jub Isne Hazrat Khwaja Moinuddin Chisti Rahmatullahi Alihi Ko Dekha toh, itna mutasir huva Apna Irada Badal Diya-, Phir jub Asfahan Se Aap Rahmatullahi Alihi Rawana ho Rahey toh Woh Nou Umar Ladka Aap ke Saath Holiya-.

Hazrat Moinuddin Chisti Rahmatullah i Alihi. ‘Asfahan’ se ‘Qirasaan’ tashreef le aye, yahan Aapne doa saal wa’az faramaya aor Hazaron insano ko raahe raast per laye-, Phir ‘Iraan ke sheher ‘Astar-Aabaad tashareef le aye, indino waha ek Mard e kamil Hazrat Shaikh Nasiruddin r.a. qayam pazair they-, Jin ka doa waston se silsila Hazrat Bayazeed Bustami r.a. se jaa milta hai-, Chand maah yahan Hazrat Shaikh Nasiruddin r.a. ruhani faiz hasil kiya-, Phir ‘Hiraat ka safar kiya-, Ye Shehar Irani serhad ke qareeb Afghanistan me waqai hai-, Yahan Hazrat Khwaja Abdullah Ansari r.a. ke mazar Mubarak per Aap ka qayam tha-, Bohat juld saare Shehar me aap ke charche hone lage-, Jub baat hadh se badh gai aor qalqh-e-qudah ki her lamhe haziri ki wajah se wazaif aor ibadat Ilahi me farq padhne laga toa Aap r.a. ‘Hiraat ko qairabad kahker ‘Sabzawaar tashreef laye-.
.

‘Sabzawaar me Aap r.a. ki amad ko chand din he guzre the ke muqami bashindo ki behat badi tadad yahan ke Governer Yaadgar Mohammad ke khilaf derkhwast leker Aap r.a. ki khidmat me hazir hue-, Logon ne bataya ke muqami Governer ke Jabirana rawaye se tang aker loag qabro me uter gaye hai, lekin hukumati zulm wa zyadati ka tufaan thamne ka naam nahi leraha-, Logon ne iltija bhare lehje Aap r.a. se derqhwast ki ke Aap iss zulmi Governer ke Haq me dua farmaye ke Allah isse hidayat de dey aor isski zulmat se ahle Sheher ko nijaat mil jaye-, Aap r.a. ne Ahle Sheher ki faryad suni aor inhe yaqeen dilaya ke Qudah wand Ta’ala bohot juld he iss Shehar ke rehne walon per Rahem karega-.
.

Dusre din Hazrat Khwaja Moinuddin Chisti r.a. Governer Yadgaar Mohammad ke derbar me tashreef legaye-, Mahal ke derwaze par pohonchker Aap ne derbaan se kaha-,
.
“Aapne Hukmran ko qabar doa ke iss se Dervaish Moinuddin Milna Chahata hai-.”

Derban ne Hakim E Sabzawaar ko itellah di, lekin Yadgaar Mohammad ka Guroor intiha ko pohoncha hua tha-, Iss ne gazab naak lehje me derban ko jawab diya-, “Mere Paas Kisi Nange Bhuke Faqeer se milne ka waqt nahi hai-,”

Derban wapis aya aor jaisehe is ne Yadgar Mohammad ke alfaaz dohrane ki koshis ki-, iss ki Zuban gungi hogai-.

Derban ne ghabraker Hazrat Khwaja Moinuddin Chisti r.a. ke chera Mubarak ki taraf dekha-, Iss ki rooh kampne lagi, Hath se talwar gir gai aor wo zameen per gir ker ke behosh hogaya-. Hazrat Khwaja Moinuddin Chisti r.a. kisi ki ijazat ke bagair mehal me derwaze me dakhil hogaye-, Dusra derban ki nazar padhi toa wo Aap ko roakne ke liye ageh bada mager iss ka bhi wahi hasher hua jo pahle derban ka hochuka tha-, Phir mehal me ek shoar sa barpa hogaya-, Iss se pehle ke Yaadgar Mohammad suratehaal ko samajhne ki koshish kerta-, Hazrat Khwaja Moinuddin Chisti r.a. iss ke derbar me dakhil hoachuke they-, Jahan biathker wo Sangdil Hakim insaani takhdiron ke faisle kerta tah-, Derbar me Halchal si mach gai-, Hazrat Khwaja Moinuddin Chisti r.a. Jalaal E Marifat ka Ye Aalam tha ke jiss per nazar padhi apne hoash wa hawaas kho bithtaa-, Yaadgar Mohammad ne aapko dekha toa Khouf aor dehshat se kaampne lagaa-,
.

“Mai wahi bhooka nanga faqeer hu jiss se tu milna bhi gawarah nahi kiya-“, Governer ke derbar me Hazrat Khwaja Moinuddin Chisti r.a. Ba-rua’ab awaz goonjhi, “Mai yaha issliye nahi aaya ke tu mujhe bandgani qudah ke khoon me dubi hue chand ropion ke bheek dey dey, Yaa maqlukh ke jismo ko barahna kerke chand guzr Reshmi kapda mere hawale kerde-, Mai toa iss liye aya hu ke hajat tamam hojaye-, iss se pehle ke tujhe zameen nigalle, Haq ki nafarmaniyo se baaz aaja tu jin per sitam dhaa raha hai-, Inhe inke Maa-wo ne azaad paida kiya-, Bisaat hasti per teri haisaiat he kya-? Tujh se pehle bade bade Sitamgar yaha apni Taqat aazma chuke hai-, inhe talash kerke dekh-, wo kaha se aye they aor kidhar gaye-?”
.

Govrner E Sabzawaar ke derbar per kisi Khabristan saa gumaan horaha tha-, Hazireen murdon ki tarah sakit they-, aor Yaadgaar Mohammad apni zar gunah Kursi se uter ker nichey ana chahta tha magar iss ka jism maflooj hoker rehgaya tha-,
.

Hazrat Khwaja Moinuddin Chisti r.a. Jabir Hakim ke samne kalimat e haq ada kerke wapis ja chuke they lekin Aap r.a. ke alfaaz ki goonjh abhi tak bakhhi thi-, Aap r.a. ki bato se zalim governer per iss khader asar hua ke wo sab kuch chor char ker Aap r.a. ki khidmat me hazir hogaya-.

Kuchdin baad Hazrat Khwaja Moinuddin Chisty r.a. Shehar ‘Sabzawar’ se Shehar ‘Hisaare-Shadma’ tashreef laaye toa Yaadgar Mohammad bhi aap ke hamarah tha-, iss ki khwaish thi ke wo apni baqi ki umar Peero-Murshid ki qidmat me basar karey-, Magar Peero-Murshid ne Aap ko “Hissare Shad Ma” me logon ki Khidmat Ke liye Khanqah per hi qayam kiya-, Aor ruqsat hoker Hazrat Khwaja Moinuddin Chisti “Balqh” tashreef laye aor Hazrat Ahmed Qazrawiya r.a. ki Khanqah per khiyam kiya-, Yahan Hakim Ziauddin Balqhi ne Aap r.a. ke haath Biath ki-. Balqhi ke baad Kuch arse tak aap “gazni” me Qayam rahey-.
.
Ek Raat Aap ne Sarkaare Kayinat ﷺ. ko Khwab me dekha-, Rasool E Akram ﷺ. ne Hazrat Khwaja Moinuddin Chisty (R.A).ko Apni Duao Se Sarfaraz kiya, Aor Aap ko Hindustan jane ki hidayat farmai-, Aap ko Derbare Risalat se Pahle se hi Sultan-Ul-Hind ka Khitab mil Chuka tha, Rawangi ka hukum ab mila tha-, Aqah-E-Naamdar ﷺ ki Ijazat pate hi Aap (r.a). 586 Hijri ko Lahor tashreef le aaye aor sabse pehle Hazrat Data Ganj Bakhsh r.a. ka faiz hasil kerne ke baad multan chale gaye-, Yahan Aapne paanch saal tak Qayam kiya aor Sanscrit Zaban sikhi, Chunke Aap r.a. Hindu qhoum ke samne Islami talimat peash kerne wale they isliye Muqami logon ki zuban jaan na Asdh Zaruri tha-, Multan ke baad Delhi me qayam hue, Yahan sabse Ladle Mureed Hazrat Qutuboddin Bakhtiyar Kaaki r.a. ko Chorker Qudh Ajmair Shareef ke qitta e zameen ko tableeq ke liye Mustaqil tour per Muntaqab farmaya-.
Isswaqt Ajmair per Phruthwi Raaj Chowhaan ki hukumarani thi-, Hazrat Khwaja Moinoddin Chisti r.a. ne Ajmair shehar ke Nuwahe me Ghaas Phoos ki ek Jhopdi banai is jhopdi me Namaz ka musallah Pani ka bertan aor ek jodah libaas. Shahin Sha e marifat ka Kul yehi Asa’asa tha-.

Shuru shuru me loag aapko Jogi ya Saadhu samjhte rahe lekin jab logon ne aap ko qareeb se dekha toa Wazae Qittae ke Aitebar se Aap Saniyasiyon Jigion se muqtalif dikhai diye-, Phir ek din Khuch Raajputh aap ki Jhopdi me daqil hue iss waqt Aap r.a. zikr me mashgool the-, Rajpoot Khamosh bitherahe-, Yahan tak ke Aap r.a. Namaz se Fariq hogaye-,

WhatsApp Image 2020-02-23 at 3.45.09 PMWhatsApp Image 2020-02-24 at 3.00.52 PMWhatsApp Image 2020-02-24 at 3.46.02 PMWhatsApp Image 2020-02-25 at 1.29.17 PMWhatsApp Image 2020-02-26 at 1.05.30 PMWhatsApp Image 2020-02-27 at 12.27.14 PM (1)WhatsApp Image 2020-02-27 at 12.27.14 PMWhatsApp Image 2020-02-28 at 12.14.44 PMWhatsApp Image 2020-02-29 at 2.47.14 PMWhatsApp Image 2020-02-29 at 2.47.51 PMWhatsApp Image 2020-03-02 at 9.57.22 AM

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s